You are currently viewing Hakuna Matata Meaning In Telugu – హకునా మటాట మీనింగ్

Hakuna Matata Meaning In Telugu – హకునా మటాట మీనింగ్

Hakuna Matata Meaning In Telugu – హకునా మటాట అర్థం తెలుగులో

హకునా మటాట పదం (ద్వంద్వ పదం) యొక్క అర్థాన్ని అటు ఇంగ్లీషులో, ఇటు తెలుగు లో కూడా తెలుసుకుందాం. Hakuna అంటే ఇంగ్లీషులో No (నో) అని అర్థం. Matata అంటే worries, problems అని అర్థం. Hakuna Matata Meaning in Telugu = ఇబ్బందేమీ లేదు, ఏం పరవాలేదు అని అర్థం.

హకునా మటాట అనేది ఆఫ్రికా ఖండంలో మాట్లాడే స్వాహిలి భాషకు చెందిన వాక్యము (ఊతపదము). ఈ స్వాహిలి భాషను తాంజేనియా, జంజిబార్ మరియు కెన్యా దేశాల్లో స్వాహిలి తెగకు చెందినవారు ఎక్కువగా మాట్లాడతారు.

Hakuna Matata Song From “The Lion King” Movie – “ది లయన్ కింగ్” సినిమా లోని హకునా మటాట ఇంగ్లీష్ సాంగ్

వాల్ట్ డిస్నీ పిక్చర్స్ నుంచి విడుదలైన “ది లయన్ కింగ్” అనిమేషన్ మూవీ లో హకునా మటాట పదంతో మొదలయ్యే ఒక పాట ఉంది. ఈ పాట సూపర్ హిట్ కావడంతో హకునా మటాట పదం ప్రపంచమంతా మార్మోగిపోయింది. టూరిజం ఇండస్ట్రీలోని రిసార్ట్స్, హోటల్స్ లో ఈ పాటకు, పదానికి మంచి గుర్తింపు ఉంది. సరదాగా సాగే ఈ పాటను మీరు కూడా ఒకసారి వినండి.

Hakuna Matata Song From “The Lion King” Movie – “ది లయన్ కింగ్” సినిమాలోని హకునా మటాట పాట [Video Credits: Walt Disney Studios]

హకునా మటాట పదం ట్రేడ్ మార్క్, దుమారం

“ది లయన్ కింగ్” సినిమా ద్వారా హకునా మటాట అనే పదం ప్రపంచమంతా వ్యాపించింది. చాలా మంది ఈ పదాన్ని ఊతపదంలా వాడడం మొదలు పెట్టారు.

Hakuna Matata Meaning In Telugu || Disney Movie The Lion King and Hakuna Matata
హకునా మటాట మీనింగ్ ఇన్ తెలుగు, సాంగ్, ట్రేడ్ మార్క్ గొడవల వివరాలు

దీంతో డిస్నీ పిక్చర్స్ సంస్థ ఈ పాటలో వాడిన hakuna matata పదానికి అమెరికా లో ట్రేడ్ మార్క్ పొందింది. ఈ ట్రేడ్ మార్క్ విషయమై ఈస్ట్ ఆఫ్రికా లో పెద్ద దుమారం చెలరేగింది. అమెరికన్ సంస్థ డిస్నీ పిక్చర్స్ ఈస్ట్ ఆఫ్రికాలోని పేద దేశాలపై చేసిన సాంస్కృతిక దాడిగా కొన్ని ఆఫ్రికన్ దేశాలు అభివర్ణించాయి.

ప్రపంచం మొత్తానికి తన పాట వల్లే హకునా మటాట అనే పదం తెలిసింది అన్న డిస్నీ ఆలోచన తప్పు అని చాలా మంది వేలెత్తి చూపించారు. ప్రజలు ఇతర ట్రేడ్ మార్క్ పదాలైన యాహూ, మెర్రీ క్రిస్మస్ పదాలను ఎలా ఇబ్బంది లేకుండా వాడుతున్నారో, హకునా మటాట పదాన్ని కూడా అలా వాడుకోవచ్చు అని డిస్నీ సంస్థ సమాధానం ఇవ్వటంతో గొడవ సద్దుమణిగింది.

చాలా దేశాల్లో టీవీ అడ్వర్టైజ్మెంట్లలో ఈ పదాన్ని వాడారు. మన దేశంలో హకునా మటాట పదం పెప్సోడెంట్ యాడ్ ద్వారా ప్రాచుర్యం పొందినా, మొదట బెంగాలీ భాషలో ఒక ఫర్నిచర్ యాడ్ ద్వారా 2012 లోనే కాస్త గుర్తింపు పొందింది.

Leave a Reply